Buletin Pakem Maddhu No 58/ Th.XIX/ November 2023
Tor-ator ḍâri Redaksi
Ngatorè pojhi sokkor ḍâ’ Ajunannèpon Ghustè Allah SWT, sè ampon aparèng kabellâsân tor pètodhuwèpon kantos Buletin Pakem Maddhu eccabhân No. 58/ Th.XIX/ November 2023 ka’ḍinto bisa rampong kalabân saè. È eccabhân ka’ḍinto, sadhâjâ berta, carèta, tor bâca’an laènnèpon nojjhu ḍâ’ sèttong pokeddhân ”Maèmot Rumusan Kongres Bhâsa Madhurâ”.
Redaksi mèlè pokeddhân panèka kaangghuy masèttong karep tor tarèka Pakem Maddhu asareng maghârsarè Madhurâ kaangghuy mardhuli ḍâ’ bhâsa, sastra tor bhuḍhâjâ Madhurâ ngakorraghi sareng tombuna jhâman. Pramèla, redaksi ngarep sombhângan pamangghi kadhi ponapa saèna sangkolan ḍâri bângaseppo ka’ḍinto langgheng è bâkto samangkèn tor sè bhâkal ḍâteng.
Manabi bâḍâ pamangghi ḍâri para maos ngèrèng atorraghi ka redaksi lèbât rubrik amoskèl. Malar moghâ terbi’na Buletin Pakem Maddhu No. 58/ Th.XIX/ November 2023 bisa andhâddhiyaghi kokona bhâsa, sastra tor bhuḍhâjâ Madhurâ mènangka dhâdhingghâlân bhuḍhâjâ sè cè’ parjhughâna ḍâri bângaseppo.
Mator Sakalangkong!
Redaksi
BACA BULETIN 👇