Buletin Pakem Maddhu No 56/Th XVII/Juli 2021
Tor-ator ḍari Redaksi
Ngatorè pojhi sokkor ḍâ’ Ajunannèpon Ghustè Allah SWT, sè ampon aparèng kabellâsân tor pètodhuwèpon kantos Buletin Pakem Maddhu eccabhân No. 56/ Th.XVII/ Juni 2021 ka’ḍinto bisa rampong kalabân saè. È eccabhân ka’ḍinto, sadhâjâ berta, carèta, tor bâca’an laènnèpon nojjhu ḍâ’ sèttong pokeddhân ”Pakem Maddhu Silaturrahmi ḍâ’ Bupati”.
Redaksi mèlè pokeddhân panèka kaangghuy masèttong karep tor tarèka Pakem Maddhu asareng maghârsarè Madhurâ kaangghuy langkong mardhuli ḍâ’ bhâsa, sastra tor bhuḍhâjâ Madhurâ ngakorraghi sareng tombuna jhâman. Pramèla, redaksi ngarep sombhângan pamangghi kadhi ponapa saèna sangkolan ḍâri bângaseppo ka’ḍinto langgheng è bâkto samangkèn tor sè bhâkal ḍâteng. Manabi bâḍâ pamangghi ḍâri para maos ngèrèng atorraghi ka redaksi lèbât rubrik amoskèl.
Malar moghâ terbi’na Buletin Pakem Maddhu No. 56/ Th.XVII/ Juni 2021 bisa andhâddhiyaghi kokona bhâsa, sastra tor bhuḍhâjâ Madhurâ mènangka dhâdhingghâlân bhuḍhâjâ sè cè’ parjhughâna ḍâri bângaseppo.
Mator Sakalangkong!
Redaksi
BACA BULETIN 👇