Buletin Pakem Maddhu No 55/Th/ XVI/September 2020
Tor-ator ḍari Redaksi
Ngatorè pojhi sokkor ḍâ’ Ajunannèpon Ghustè Allah SWT, sè ampon aparèng kabellâsân tor pètodhuwèpon kantos Buletin Pakem Maddhu eccabhân No. 55/ Th.XVI/ September 2020 ka’ḍinto bisa rampong kalabân saè. È eccabhân ka’ḍinto, sadhâjâ berta, carèta, tor bâca’an laènnèpon nojjhu ḍâ’ sèttong pokeddhân ”Era Kenormalan Baru”.
Redaksi mèlè pokeddhân panèka kaangghuy masèttong karep tor tarèka Pakem Maddhu asareng maghârsarè Madhurâ kaangghuy langkong mardhuli mardhuli ḍâ’ kabâḍâ’ân sè samangkèn korang saè. Pramèla, redaksi ngajhâk ḍâ’ sadhâjâ para maos nyopprè teptep ngèrèng pakonna pamarènta jhâ’ sadhâjâ lalampa’an kodhu ngakorraghi sareng protokol kesehatan.
Manabi bâḍâ pamangghi ḍâri para maos ngèrèng atorraghi ka redaksi lèbât rubrik amoskèl.
Malar moghâ terbi’na Buletin Pakem Maddhu No. 55/ Th.XVI/ September 2020 bisa andhâddhiyaghi kokona bhuḍhâjâ tor sastra Madhurâ mènangka dhâdhingghâlân bhuḍhâjâ sè cè’ parjhughâna ḍâri bângaseppo.
Mator Sakalangkong!
Redaksi
BACA BULETIN 👇